2013年6月28日 星期五

七一美沙酮

近年七一遊行,好似慢慢變左道友飲美沙酮.

道友毒癮發作,就去飲美沙酮頂住個癮.香港人俾港共政府折磨到kip kip聲,就會多左人遊行.港共政府知驚,就會配合中共施小恩小惠,香港人就心足,遊行人數係下年隨時無左一大半.隔幾年,唔知又乜事戚到香港人條根,又多左人參加遊行,港共政府又攪下小動作等香港人爽下.今年其中一個議題好似要CY落台.就算條友落左台,係依家個制度下,到左2023年望番今日,可能只係03年老董退化到13年CY翻版,即係13年CY墜落到23年劉肛華之流.所以依家個一種爭取民主方式,根本唔係乜野抗爭,只係類似人地美國國慶大巡遊.一個理性和平七一遊行完事後,香港人只係係六道輪迴不停轉.一個對一黨專政政權無沖擊嘅七一遊行,中共根本唔會因為有五十萬人和平遊行,而俾返香港人係基本寫明有嘅民主.


香港人成日講和平理性爭取民主.如果要和平方式去爭取權益,依排日日上BBC News嘅曼德拉就係人板.不過人家坐左廿七年監,再加上當年國際對南非嚴厲制裁,係90年南非政府至解除隔離.香港人見到中國所謂大國崛起,乜野神十上太空,外國sales girls又話要學國語去招呼中國遊,無論左中右都心中覺得好威威,以為分到中國人之光榮;但係中共越強大,更加唔怕國際壓力,對香港依賴越小,香港人又唔會坐廿年監,我係中共都唔俾香港有民主啦.



2013年6月7日 星期五

大中華膠盲點

大中華膠所謂中國有民主,香港先有民主,同董建華以前日日念個句乜野香港好中國好,中國好香港一棣,只係單一方向線性思維,兩者都只會信中國一日比一日好.

大中華膠好似無思考過,就算中共開放黨禁,俾人有自由同民主去選舉,以依家中國人價值觀,選出嘅個執政黨係乜野貨色,大家心中有數.

至於有人話人係可以教得好,此話係無錯,之不過以依家佢地推動民主方式,我諗2047年香港都唔會有民主,因為佢地根無機會去教人.唔好話要教識十三億人乜野係民主,淨係去中共黨校開班教化幾千萬黨員或者去中國大陸各大中學講一堂民主都無同能,唔通真係單靠六四紀念館同每年春秋二祭式六四晚會.

==========================================

六成內地人信品德壞才發達

內地改革開放30多年,國力日盛,財富激增,同時社會財富觀也發生巨變。內地一項調顯示,高達65%人認為財富有原罪,「只有品德敗壞的人才可能巨富」,不帶「血」、不靠壓榨和非法手段很難成為富豪。


鳳凰網特別發起的這項「中國人財富觀大調查」指,這是當前社會仇富氣氛日熾的原因。貧富分化;「煤老闆耗七千萬嫁女」、「三亞富豪海天盛宴」事件,加劇社 會仇富心態。而昨有媒體披露習近平曾工作過的福建寧德市,一批退休幹部向當局舉報指,古田縣電視台日前為當地一名富豪病故的父親播放訃告,連播了六日,日 日滾動播出,規格超過國家領導人死訊,舉報者要求當局查處。


鳳凰網