香港班土共唔可以成才，但係由公務員出身ge乜局長，司長亦唔好得去邊。
雖然唔少高官係所有AO，EO出身。入得政府都係千挑萬選之下ge人中才，本來係應該有Talent可以做好高官。不過事實證明，公務員出身ge所謂問責高官，不單做唔到野，大事又决定唔到，出去立法會唔係講錯野，就係俾人問多兩句就發脾氣，而最不知所謂係做人肉錄音機。
係英國，差唔多所有大臣，首相都係由民選國會議員出任。想做國會議員，就必須加入政黨地區分部工作，由幫手做地區政策研究，資料收集，探聽民意，選舉工程。無十年八年訓練，都唔洗發夢會有機會俾黨中央批准你去做國會大選候選人。就算俾你刷到Party Leader鞋，俾你出選；但係你無料到，自己係地方做唔到野，又無地方政績，試問又如何可以做到國會議員同大臣。
但係香港公務員出身ge所謂問責高官，佢地個十幾廿年係政府部門所受訓練，目的就只為去執行上層政策。雖然都有公務員都有係唔同部門去制定政策，不過係定政策過程中係以固有官僚程序去思考。因為唔依特定官僚規則與程序，到執行政策時出問題，影響到人，引起經濟損失，個官員就要負起責任。因為政府中所謂規則與程序係以以往經驗為依歸，以減少出錯為目標。所以政策唔係無新意，就係假大空，無牙力。搞完一場大龍鳳，都唔覺社會有乜改變。
到sell政策，人地十幾年訓練去係去sell自己政黨政策，爭取民心同選票，領自己可以上位成為議員，當然佢地係要向所以選民負責。而公務員上位係要刷鞋，拍好碼頭，好好地執行政策，而過程要小心翼翼，唔好犯大錯，再加上中共對你放心，做所謂乜屍長，局長就有希望。不過一做問責官員就死，因為本來只係向幾個上司負責，依家居然向幾百萬蟻民負責。一要開口sell 政策，唔係口窒窒怕左所謂群眾，就係擺一出官威，不屑向蟻民負責。
