以外國勢力干涉香港內政

近日,有英國人係英政府網站搞左一個e-petition, 希望有十萬人聯署, 迫英國國會辯論香港民主發展問題, 呢個議題. 不過個petition出左幾日, 仲係唔夠一萬人簽署. 比係兩個月前, 有人將香港奶荒問題, 係美國白宮網站搞左另一個e-petition, 幾日內就有個萬人簽署, 香港人對兩件事反映程度真係差天共地.

 香港人真係陶傑所謂中國人仲停留係口腔期, 只要有得食有無問題, 對於長遠少少或者同社會制度同公義問題係唔會理. 依家有英國人發起一個petition, 英文都叫做寫得好好睇睇, 有”他力”唔好好利用, 成日覺得自家事唔需要洋人幫手;  但係一問佢地有乜良策, 或者點去著手爭取香港民主發展, 佢地唔係話要番工搵食無時間, 就話香港咁細又少人點同中國爭取民主. 

有唔少香港人仲係唔清楚奶荒同香港有幾多民主係同一件事: 香港個特首唔將香港利益擺係第一位, 白痴都知香港個特首係中共欽點, 當然係唔會對無權選舉嘅香港700萬負責. 你叫一個由中共扯線嘅特首公仔去為你效勞, 香港人真係要等到下一世.

教宗選舉

香港同中國大陸有一批唔知係智障定係五毛黨, 居然問梵蒂岡教廷個教宗點解唔係一人一票選舉出.最好笑係中國話先係民主大國, 因為中國國家主席，係由人民的代表選舉出來的.

唔好計佢班所謂人民代表係點被選舉出, 五毛黨好明顯係刻意將兩個性質唔同元首當係一樣野. 中國國家主席係Ruler, 統治者, 佢個黨係人大佔大多數, 你投票選習近平, 即係授權習近平同中共對中國大陸同中國公民行駛立法同執法權. 共產黨要立法收你60%入息稅, 你係唔可以反對, 共產黨見你係天安門大叫打倒共產黨, 你俾公安又打, 你唔可以say “No”. 最可憐係係唔可以選擇退出中國籍去逃避你唔鍾意嘅法律.

而教宗只係你信仰嘅spiritual leader, 係一個對教徒無乜實權嘅精神領袖. 你唔鍾意教宗嘅政策或者信念, 你可以唔聽, 唔守. 依家教宗唔會派宗教警察去查你有無守十誡, 你唔守十誡, 教宗唔會派宗教警察去捉你上天主教法庭去審你, 判你去北極勞改. 你甚至可以選擇唔做天主教徒.

所以將統治者同精神領袖選舉去比較, 只有中共五毛黨同共產黨先諗得出.

如果中共真係咁重視一人一票選舉, 唔該將香港前途問題公投, 唔好日日吹水.

另一方面, 中共信無神論, 人地天主教徒選舉教宗, 關中共乜野事, 依家阿G阿左, 係唔係干涉教庭內政?

====================================================

本報訊：中國與梵蒂岡的選舉雙雙落幕，習近平和方濟分別成為十幾億人的元首。目前中國人口約有十三億人，而全球天主教徒亦有十二億。得票二千餘的中國票 王，新任中國國家主席習近平表示：「我國比那所謂西方宗教文明代表的教廷更加民主。全球有接近十三億的天主教徒，他們的元首竟然由兩百多人選出，而且那二 百人全都是由教廷自己任命的。這一比較充分體現祖國大陸民主政制的先進性。中國的國家主席，是由人民的代表選舉出來的，而人民的代表又是由人民選出來的， 所以我是背負十三億人民的民意而產生的民主國家主席。作為全球最大的民主國家元首，我奉勸教廷應盡快引入民主選舉及任期制，早日醒覺，不要再企圖踐踏十三 億教徒的民意。」隨後習近平又表示感謝十三億人民厚愛，未來將全力以赴，做好治國工作。西樓日報北京報導。

汪阿姐

身為政協委員汪阿姐話限帶奶粉嘅刑罰太嚴重, 我真係唔知乜野邏輯.

唔計走私奶粉領到香港BB無奶飲, 汪阿姐身為政協委員, 理應照顧中國國家利益, 依家眼見有水貨佬鑽法律漏洞, 走私奶粉番大陸, 領中國少收左關稅唔同情, 竟然走去同情走私集團. 我真唔知你依個政協委員做乜野.

另外, 之前走私奶粉咁耐, 中國海關無理由唔知. 係大陸搞呢d犯法野, 無著制服嘅人撐腰都幾難成事. 阿姐有中國國家利益唔重視, 就去同情走私佬, 阿姐同走私佬/著制服嘅人d關係可以有好多想像空間.

中國大陸有唔少異見以及維權人士,日日俾人又拉又打. 如果阿姐真係關心中國人, 唔該你理下呢班人先.

The Queen's Diamond Jubilee, 2012

今年英女王,登基六十周年,香港偽君子日月報當然有報遙導下.

不過,呢份垃圾報紙係報導慶祝活動之餘,不忘向英國人潑冷水,報下花邊新聞:話其它英聯邦國家反應冷淡. 唔知係唔係怕香港人戀英情意結不斷高漲,所以報導呢d野.

之不過,既然日月報以知識性報紙自居,竟然有其它野值得思考ge事唔報,就去理人英聯邦國家點去慶祝女王登基六十年.

乜野係值得思考?

例如有一班左仔同鼓吹英國應該行共和制,此類大事大非問題先係一個所謂知識份子要思考問題. 人地BBC News都有訪問一位共和制膠人,訪問地點仲係Buckingham Palace對出條大路(The Mall);如果日月報係幫香港學生垃培養乜野獨立同批判思考,應該報導君主立憲制同共和制分別,同埋點樣由一個制度走去另一制度.

但係一討論到根本制度改變,就會踩到中共死穴:第一個死位係全人民公投.無論公投係憲政大事,定係小事好似瑞士公路national speed limit.中共都怕到死,因為中共唔得民心,係所有公投或民主競選,中共只會輸甩底褲.而第二個死穴係:制度改變.如果一個國家制度可以由君主立憲改變到共和制,中共國第一條憲法(即係中共國係人民民主專政國家同社會主義係中共國根本制度)更加係可以改變, 呢一方面更加係革老公共條命.

日月報同土共蛇鼠一窩,當然唔會幫香港學生訓練獨立思考,我睇死佢點都唔敢將以上問題擺係報紙討論.

英國君主立憲行幾百年都行之有效,左仔同共和膠以為有共和國就天下太平,國家開支可以如減少.但係佢地唔會睇下法國前總統Nicolas sarkozy係法國經濟唔好時買總統專機,意大利前總理Silvio Berlusconi點係醜聞落台.

隻狼做特首

依幾日睇報紙，講到隻狼依就黎會係下星期贏左特首選舉。雖然有唔少人怕土共會上場，我估短期對香港係壞事，長遠可以對香港係好事。

首先，土共對於中共收左香港十四年，乜野大官都分唔到一個，當然絛氣係唔順，未能一展治港理念。依家如果隻狼做特首，到時最好俾土共進駐特膠政府各部門，當係被土共玩下乜野三屍十一局。依個班人有限智慧，加上未來香港經濟有機會走下坡，我就睇下土共將香港管到爛成點，然後點樣俾香港人同其他維園阿伯級土共唾棄，亦可以俾土共死得眼閉。

另外，香港新一代見因為少見當年六四屠城片段，唔知中共恐怖之處。見中共國有少少經濟成就，就以為以維穩做理由，合理化左以暴力手法去對付反對派同示威者。香港班乜野八，九十後既然咁唔知死，當然要為佢地補一補課：由隻狼做特首，推動廿三條立法。一有大型反廿三條示威，就出動乜野防暴隊鎮壓，到時差人唔理係唔係途人定係示威者，最好見人就打，最好call埋駐港解放軍幫手戒嚴。雖然損傷一定有，不過俾警棍扑幾下，幾硬嘅中國膠都會開悟。

雖然俾土共當家作主會領香港內傷幾年，不過幾年後話唔定香港人對土共謊言有免疫力。

中華民國香港人

成日扮中立嘅日月神教報，幫中共係台灣總統大選撑馬英九係人都知。不過一講到點解小部分香港人可以係中華民國總統大選中可以投票，日月報就講d唔講d。如果只係聽日月報講，仲以為有香港人移民去台灣，當下兵，就有所謂戶籍。

實情係香港都係中華民國一部分，以前香港華人係中華民國眼中都係國民。所以香港人只要去台灣住夠一段時間，再加服兵役，就可有所謂台灣戶籍。一個外國人係唔會因為去台灣讀過書，就可以有台灣戶籍。當然一個外國人，台灣係唔會佢去服兵役。

所以有台灣戶籍香港人可以係台灣投票，間接證明香港在法理上是中華民國一部分。另一方面中華民國現在仍然存在，而中華民國亦係當年宣統帝退位詔書中提到接手大清江山唯一政府，再加上中華民國到現仍無在向中共投降，所以中共成日話香港係中國不可分割一部分，實情係香港係中華民國不可分割一部分至真。係此一問題上，日月報當然唔會詳細交代。

不過自從中共接管香港後，台灣巳經唔會隨便俾個戶籍俾香港華人，因為香港巳經係赤化區。雖然依個政策對我嚟講係有d失望，但係咁樣都好，起碼可以防止台灣變紅。如果唔係，成棚假香港人走去台灣，話唔定廿年後，台灣大選候選人可能係兩件類似唐英年同蔡素玉嘅物體，問你死未。


===================================================================

逾萬港人赴台投票大多挺藍 或利馬英九選情


【明報專訊】台灣大選如火如荼，香港人也並非都是光看熱鬧。3萬多名有台灣戶籍的港人，今年有近半人計劃到台灣投票，他們或組團隊或單飛，近日陸續抵達台灣。回到台北投票的香港人多表示，一人一票的民主選舉，在台灣已經實現多年，但香港特首選舉，至今仍是小圈子選舉，台灣民主的經驗值得香港和大陸借鑑。

曾在台灣成功大學就讀電機系的港人周君鐸，在2008年的台灣選舉中，曾飛往台灣投票，他是目前3萬多有台灣投票權的港人中一員。周君鐸表示，他1968年在台灣就讀大學，畢業後即獲得台灣居留權，目前戶籍所在地為台南，那裏可以說是他的「第二故鄉」。
「馬政府上台後 兩岸關係改觀」
「對於台灣的感情，我們純粹是用心去體會，作為香港人，我們同時也是中國人，也都希望大陸好，香港好，台灣好。」周君鐸表示，回來台灣投票，就是希望國民黨候選人馬英九可以連任，「因為陳水扁執政八年，兩岸關係大幅倒退，而他自身亦涉貪污入獄，反觀馬政府上台後，情大為改觀」。
國民黨積極赴港拉票
從昨日開始，香港的台灣校友陸續返回台灣投票，由於人數眾多，已令台灣各方不敢小覷。為此，國民黨副主席江丙坤日前曾親赴香港拉票，並在旺角舉行「馬吳後援會」造勢大會，希望香港的台灣校友投票支持馬英九。據台灣各大學的香港校友組成的組織中山學會創會會長陳良楫表示，該會目前已組成數十個投票團隊分批赴台灣各地投票，每個團隊都有十多人，另外還有許多校友自行返台，而他自己則親自率領一團人前來台北投票，今日（12日）將是最多人抵達的日子。

「台灣民主經驗 值得中港借鑑」

「香港做不到一人一票，這裏我就有票在手，感覺很不一樣。」陳良楫說，一人一票選舉才是真正的民主選舉，香港是小圈子選舉，台灣的總統大選和目前香港選特首形成十分鮮明的對比，「我都還沒有資格去選那1200人組成的選委會成員。」他說，台灣的選舉，值得香港和大陸借鑑。
台灣各大學香港校友會總會會長韋復家也表示，今次的總統和立委二合一選舉選情緊湊，所以許多有權投票的港人都相約一起返台投票，「我們也會發動更多的人回台灣投票」。他說，大部分香港校友都是支持國民黨，這對馬英九的選情有一定的幫助。
明報記者 李泉 台灣直擊

雙重標準

中共永遠都持有雙重標準，當wikiLeaks有文件踩到中共條尾，或者領中共無面，中共跳出大叫WikiLeaks d 野係無中生有，無事實根據。

依家WikiLeaks話美國召見香港政界左中右各人物，中共又出奇地認為WikiLeaks有根據，真係奇！

如果中共唔想香港左派同土共不時去美領事館朝拜以及背叛中共向美國爆料，我建議中共可以規定香港所有愛國人士仔女同兒孫唔可以去歐美讀書，只可去中共國讀中學，上大學。當然更加嚴禁愛國人士以及親屬持有歐美，外國居留權，仲要佢地去天安門，係老毛肖像下宣誓效忠中共國，申請加入中共國籍。中共唔承認雙重國籍，一入中共國籍，外國籍自然無效。一見有人出賣中共，即刻叫香江公安一哥，親自督軍派五十名重案組警察，將叛國假西拉上大陸。無左外國籍，叛國假西自然無左護身符，中共點處罰都得。

此方法一來可以睇清邊個係真愛中共，邊個係"假西"，又可以叫TVB，ATV大鑼大鼓派人去現場正播，當係愛國教育。

不過，我建議中共要出問卷計下邊個會出席宣誓大會。因為天安門咁大，如果去宣誓無一萬幾千，老實講，真係好難睇。

另一方面，查清有幾人係真愛國。因為有人可以口頭答覆，但係宣誓日就以唔同理由（例如生庤瘡）臨時甩底。到時唔洗WikiLeaks出手爆大鑊，到時全世界都知原來香港係無真愛國人士。

==================================================

中方促美停干預香港事務

外交部駐港公署發言人就維基解密披露美駐港總領館人員在港約見活動表示，中方有理由對此感到關切和不滿。

維基解密早前曝光的數百份美國駐港總領事館的機密電文顯示，美駐港總領事館一直高度重視泛民的政治取態，包括所謂「五區公投」和泛民分裂等。

中新社稱，近期，維基解密網站曝光近千份美國駐港總領館電文，涉及香港政治、經濟、社會等方面。外交部駐香港特別行政區特派員公署發言人就此說，注意到維基解密網站披露的一批發自美國駐港總領館的電文。這些電文顯示，美國駐港總領館官員對香港政制、社會發展問題興趣很大。美方不僅就香港政制發展問題向特區政府提出過帶有干涉性的意見，而且與特定的某些人頻繁見面，進行所謂的意見交換。如果是這樣，美方的行為就超出了《維也納領事關係公約》等國際法所規定的職能，他們有理由對此感到關切和不滿，並要求美方停止這種錯誤做法。

發言人又說，外國駐港領事機構在執行領事職務時，應嚴格遵守包括《維也納領事關係公約》及派遣國與中華人民共和國簽訂的雙邊領事條約在內的國際法和公認的行為準則，也應遵守駐在國相關法律，特別是《基本法》和香港特區各項法律，以促進其本國與香港之間的貿易、文化、科技等方面合作和人員往來。駐外機構和外交官都應遵守駐在國的法律和國際法，不得干涉駐在國內政，否則在任何國家都不會被歡迎。

發言人說，日前，外交部駐港公署已就電文披露的有關內容向美駐港總領館表達了中方的關切，表明中方堅決反對任何外部勢力干預香港事務，要求美方嚴格遵守有關國際法和公認的行為準則，不得以任何形式干預香港內部事務。

發言人指出，當今世界面臨很多重大而緊迫的問題，需要中美同舟共濟、加強合作。香港應該是中美進一步開展和加強合作的重要橋樑。希望美方摒棄冷戰思維，不在香港搞政治上的小動作。

(即時新聞)