Reginababy

如果有d咁嘔心嘅MV出現係電視，我建議要去廣管局投訴。

有時心諗，俾香港普選都無乜用，因為除左有好多垃圾候選人，仲有好多垃圾宣傳。民主選舉始終係西方文明社會嘅玩意，係政治制度仲係石器時代嘅中國同香港人，始終係唔識玩。就好似一班野人，俾佢地去到城市，見到馬桶有水，就以d水可以用黎洗面一樣。

話時話有一句我覺得應該要改：
想香港死得早，要選掃把廇！


------------------------------------------------------------
葉太rap宣傳歌自稱Reginababy

【明報專訊】為奧運熱潮中挽回選民嘅注意力，今屆立法會候選人宣傳招數千奇百怪，除民主黨最拿手跳海外，Emly近日收到參選港島區葉劉淑儀的一段rap歌，其「驚人」程度幾近爆燈，rap歌歌詞包括「想皮膚好，要選史泰祖」、高叫「everybody vote for 葉劉淑儀」及「everybody vote for reginababy」，尤其最後一句「reginababy」，真係令Emily及身旁一眾八卦同事，紛紛大叫「毛管戙」。

唱肉麻rap歌自讚「有情義」
Emily聽講，呢首接近3分鐘rap歌，由葉太一名學生支持者製作，表達方式狀似「農夫」rap歌，但歌詞就真係比較肉麻，包括葉太「有情有義」，與她一齊追求「民主正義」等。歌詞當中亦有些比較市井用語，好似叫年輕人不要只係識「挖鼻屎」，叫葉太「將無謂人砌低」等等。唔知港島區年輕選民受唔受呢一套呢？

參選港島區仲有公民黨陳淑莊、民主黨甘乃威、民建聯曾鈺成、自由黨林翠蓮、社民連曾健成、公民起動何秀蘭、獨立人士勞永樂、黎志強、蕭敏華。