被迫講大話

幾年前，當香江特膠傀儡小皇帝老懵董被太上皇炒左，當時馬交埠第一大何莊家係記者面前大大聲話阿董係八萬五問題上迫佢講大話。從個時開始，我就對此人有幾多口德開始有疑問。雖然我唔鍾意個一個小皇帝老懵董，但係大莊家係老懵董任內係香江做唔少生意，但係老懵董一被太上皇踢走，就即刻反面唔認人，仲話人地迫佢講大話。你條友仔，幾十歲人，有財有勢都可以被人迫到佢講大話？况且，八萬五問題係老懵董連任前幾年發生，到左搞連任選舉大龍鳳個時，何莊家被人迫完之後，竟然有份提名老懵董去參選去做第二屆小皇帝，佢個一年唔知係有左老人痴呆，定係又唔知俾邊一惡勢力迫佢講大話。

此人既然有被迫講大話，或者自己個腦控制唔到個咀嘅紀錄，怪不得上一，兩星期要係鏡頭前要被迫照讀一段分餅仔嘅稿。真係天有眼。