近排上facebook左睇右睇， 見到有個link係駁到youtube一個84年TVB一個新聞節目．個節目係叫中英聯合聲明草簽特輯．依家係近三十年之後睇番依個特輯，真係令人傷感．
個特輯一開始當然係報導一下聯合聲明嘅內容，跟住就花好多時間搵地產界人士(當然包括思歪係節目中不斷唱好聯合聲明對土地安排)去討論香港地契問題．地契問題唔係唔重要，但係都唔洗將政制問題擺係後面，時間又少．有小小常識都知中共要收香港，當然唔會一下將香港土地立刻收歸國有或收樓價五成嘅地租或地稅(你香港人肯，英資都唔肯)．最有效保障自己土地財產當權益，當然係有獨立司法同民主議會．不過當年香港人同依家香港人只會對自己三百至一千平方尺(樓面同地板，唔係土地)有興趣，對於長遠同深入少少嘅問題，就無乜心機去理． ．
到討論政治制度發展，除左請左當時所謂建制派同親中政客上去講下野之外(當然廢話)，仲有司徒華．司徒華當年真係有d天真: 唔知佢當年係唔係見法局無乜民選議員，港督係英國外交部委派，見到聯合聲明話”香港特別行政區立法機關由選舉產生，行政機關必須遵守法律，對立法機關負責”以及”香港特別行政區政府由當地人組成。行政長官在當地通過選舉或協商產生，由中央人民政府任命。”， 就覺得聯合聲明係一份好協議; 依家睇番真係得啖笑，因為依家有人叫立法會功能組別唔好廢除， 而係未來行政長選舉， 最好笑係民主派可能無得玩．
http://www.youtube.com/watch?NR=1&feature=endscreen&v=CifOLOSYqQ0
不過訪問中，都唔係個個天真: 係個節目中，TVB訪問一位英國會英中事務小組主席艾得禮(即係一個唔起眼MP)，佢提醒香港人，將來實施聯合聲內容時會有不成文規定 - (http://www.youtube.com/watch?v=e69Pu1rz5es) ．佢個warning 就好似依家話行政長官要愛港愛國． 依個條件係當年聯合聲明無提出，而要香港行政長官要愛港愛國亦好合理，不過乜野先係愛港愛國就只由中共定．而另一心水清嘅人係美國西東大學楊力宇教授， 佢話英國遵守聯合聲明係無問題，不過對中共會唔會口嚴格執行聯合聲明就有少少擔心．
根據過去廿幾年事實，係有聯合聲同基本法呢個framework下，行政長官講明係選舉產生．依家選舉點玩法都可以俾中共點紅點緣．我真係好難想像當2047年，香港所謂一國兩制玩完時，聯合聲明同基本法又無清楚指出中共會保持特區，定係將香港變成廣東省香港市，我估香港人同中共起碼要討論三十年先有對新政治制度要有所謂“共識”．香港人唔好以為依家距離2047年有成三十幾年係好耐時間．當年王妃戴安娜係81年同王子結婚，依家唔經唔覺巳32年，佢個大仔巳經結左婚，細仔巳經上過阿富汗戰場，同塔利班開片．所以爭取2017年香港行政長”真”選舉只係前哨戰，一國兩制係2047年去留問題先係主要戰場．雖然有人話政治一日都嫌長，不過香港人同中共爭取民主，準備遲一日都叫多．
沒有留言:
張貼留言