中共國式核安全問題

成日扮中肯嘅日月神報，係日前出左一篇好似好中肯嘅文章，不過最尾竟有一段話係重開六方會談後，係檢查北韓核反應爐之後，下一步就要查下日本，因為日本今次核安全的表現不佳。


全世界只有歐美呢一埋巳發展文明發達國家有資格去查日本，但係中國國就無分。係80年代尾，係大亞灣核電廠建築其間，有人發現漏放了三百多條鋼筋，即少放三份一之數。如果個三分之一鋼筋係指containment structure（又或係個核混凝土反應堆安全殼）中嘅鋼筋，咁係查日本核電設施之前，全中共國核電廠都要被查下。


根據wiki講，個containment building係當第三層barrier即係reactor vessel都失效時，個大石屎containment building就係最後屏障，防止反應堆內放射性物質外泄。而當核電廠發外來襲擊，好似有飛機撞埋去或者有人放炸彈時，個containment building就係第一道保護。不過大亞灣核電廠個石屎containment building有三分之一鋼筋可能無左，成個結構強度唔係無左三分一咁少，而係隨時無左一半。依家即係話大亞灣核電廠對外來襲擊強度可能減少一半。


所有reinforced concrete都有裂紋，問題係裂紋係0.3mm闊，定係0.02mm。裂紋有幾多同闊，就以鋼筋同鋼筋距離有關。依家鋼筋落少左，鋼筋同鋼筋距離自然大左，實際裂紋闊度一定比設計個裂紋闊度大。個裂紋大左，防止放射性物質外泄能力自然低。呢d唔係乜野機密資料，是旦問一個讀土木工程二年級學生都計得出。


以中共國貪污同偷工減料問題咁嚴重，一條行車天橋都可以係無地震之下倒塌，中國核電廠有幾大安全系數真係天先知。中共依家想搞核電大躍進，真係唔知中共國幾時出事。日本係每次事故都會自我檢討，而中共國就不單唔會檢討，而且會重複犯錯，所以我反對中共國學人玩核電。

毛狂徒，鄧屠夫，卡達菲

近日我居然見到香港中共喉舌報以狂人稱呼利比亞獨裁者卡達菲，用“狂人”去型容卡達菲唔係唔得，不過香港同親共報紙就唔可以：因為卡達菲是否狂人，必須以歐美文明國家人權同人道標準去量度。係卡達菲统治下，利比亞大部分人有得食，即係巳符合中共口中有得食等如有人權。再者卡達菲去屠殺示威人民維持穩定，話唔定平定騷亂，天下太平，自然可以吸引外資，利比亞未來可能有黄金十年去發展經濟。此一理論同香港唔少舔中共屁股人士認為:如無當年六四屠城為中共國帶來穩定，可來今日大國崛起一樣。而香江垃圾局前主席范婦人都認為出現動盪都係人民受苦，既然香港咁迷戀同中共國接軌，香港報紙佬應該係報導利比亞新聞前將稿件交去中宣部審查一下，以免口徑不一。如果係都要話卡達菲係瘋狂，請以同一標準去評論毛澤東同鄧小平，兩人都殺過中國人，而老毛更搞大躍進，三反五反運動，文化大革命，唔係餓死人就批鬥抄家死人。以後香港人稱呼卡達菲係狂人，請記得叫老毛做毛狂徒，鄧小平做鄧屠夫。

被迫講大話

幾年前，當香江特膠傀儡小皇帝老懵董被太上皇炒左，當時馬交埠第一大何莊家係記者面前大大聲話阿董係八萬五問題上迫佢講大話。從個時開始，我就對此人有幾多口德開始有疑問。雖然我唔鍾意個一個小皇帝老懵董，但係大莊家係老懵董任內係香江做唔少生意，但係老懵董一被太上皇踢走，就即刻反面唔認人，仲話人地迫佢講大話。你條友仔，幾十歲人，有財有勢都可以被人迫到佢講大話？况且，八萬五問題係老懵董連任前幾年發生，到左搞連任選舉大龍鳳個時，何莊家被人迫完之後，竟然有份提名老懵董去參選去做第二屆小皇帝，佢個一年唔知係有左老人痴呆，定係又唔知俾邊一惡勢力迫佢講大話。

此人既然有被迫講大話，或者自己個腦控制唔到個咀嘅紀錄，怪不得上一，兩星期要係鏡頭前要被迫照讀一段分餅仔嘅稿。真係天有眼。

Top Gun @ 中共

沈日早放工，有時間可以上網睇下香港有乜新聞。係明報個網見到一篇有關中央電視台自己造假新聞，有心明眼明嘅中國網友發現中共空軍訓練片段中，所謂殲10空中打杷訓練只係人家美國上世紀Top Gun其中一幕。好在小弟巳食左飯，唔係笑到噴飯都似。

中共造假唔單止係新聞上，我相信佢所謂自家精研神兵利器(好似乜野殲20)以及其它土炮功能，唔多唔少唔有誇張同吹水成分。如果呢單吹水新聞傳到入境解放軍人耳中就大鑊，因為中共解放軍一定連大日本都打唔過。唔夠打唔係指邊一方武器好啲，而係軍人對自己所用武器能力有幾大懷疑。就算空軍自己知道殲20會係雷達上隱形，陸軍有幾多人信都係問題。就算係胡主席親自去到試飛場督軍，陸軍低級士兵都未必個個信個雷達影像無造假。

如果有一日陸軍要出動時要空軍做配合同對陸軍提供掩護，而我係陸軍嘅話，對於空軍聲稱有所謂如何輕易奪取制空權，又話幫陸軍攻擊敵方地面部隊嘅能力一定有懷疑。而真相只有係打到埋(o黍)先見到情況下，一個陸軍小士兵當然係走去做逃兵。當然對中共唔信，又點會得一個陸軍小士兵咁少。

正所謂波吹得越大，爆得就越響。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
【明報專訊】內地網友再次質疑中央電視台新聞造假，《新聞聯播》報道空軍訓練，戰機擊中目標的一段畫面與1986年美國電影《壯志淩雲》（Top Gun）非常相似。這段不到2秒的畫面，昨日在內地互聯網迅速流傳。
畫面與《壯志淩雲》極相似
被懷疑造假的是1月23日《新聞聯播》，中國空軍一架殲10戰機發射導彈，目標被擊中而爆炸。網友「劉毅」指出空軍「擊中」的這架是美軍F-5戰機，而《壯志淩雲》中主演湯告魯斯正是駕駛F-14戰機擊F-5。新浪微博上流傳的對比圖中，兩段畫面連碎片飛散方向、形成煙霧都一模一樣。
另有網友發現，這段疑似電影片段的顏色與其餘畫面略有不同，可能是因為從美國的NTSC制式轉做中國所用的PAL制式，故色彩會偏淡。有網友稱，《壯志淩雲》可以向央視追索版權費。

CCTV膠人

日前有中共國一名唔知醜記者成鋼係G20峯會上，似住自己有爛仔流氓中共撐腰，大膽係大會中霸道搶咪，舌戰奧巴馬。呢條膠人丟盡所有華人臉。

首先人地當時唔係俾你中共國喉舌記者發問，係唔係自己發問時間問問題，仲搶咪，又自稱代表亞洲。但係亞洲之大，西至土耳其，東至大日本。經濟情況同文化語言各有不同，你點可以代表亞洲。你條友除左可以代表中共同你幾條毛，唔該你唔好一開口就自稱代表亞洲。

至於問題當然係白痴：「美國為何要犧牲他國利益為美國自身利益服務？」。可能中共國民唔知美國總統係如何被美國公民選舉出，居然唔知美國總統係為美國利息着想，為美國公民負責；唔似得中共只為自己政權穩定去出賣中國同中國人利益。

生果報稱，此小記者係外國政要面前好寸咀。我真係想知你敢唔敢係當面溫家寳：你身為總理，有毒奶粉受害者家長趙連海被尋釁滋事罪名，判處入獄二年，你覺得醜唔醜？又有無膽當面問胡錦濤：你身為中共軍委會主席，對於有解放軍貪污，你覺得醜唔醜？

最好笑都係個記者自認「英文比中文還好」。我係英國識唔少人由幾歲到十歲巳經由香港去英國讀書，由小學讀到大學，再係英國工作十多年。佢地都唔敢自認英文比中文還好。我就唔信係讀得十年，八年外文就可以英文比中文好。我真係唔想呢一種自大言論俾外國傳播界唱出去，唔係真係笑大英國人個口。當然英文好，除左識用英語諺語，口音都好重要。如果你英文咁好，我都想聽下你甩左大陸口音未先？

生果報稱：他的朋友相當多是外國人，清一色英語交流，甚至那些對中文感興趣的外國朋友說中文時，他卻講英文。學香港班死唔去土共思想，咁鍾意英文，點解唔染白皮膚，去做假洋鬼子？而一個係中國大中國人居然係用中文表達時好似年紀大男人去厠所時有困難，我估佢可能患有讀寫障礙。如果有一日要收起寸咀，恭恭敬敬，謙遜有禮，坐係位上，雙手交叉放在大腿上去訪問習主席。本來訪問順利，習主席對自己印象大好。係訪問畢錄影完畢（當然唔係現場直播！），再加一，兩句對習主席家人同家母溫馨問候，咁就prefect；但係自己心情一時放鬆，讀寫障礙發作：將問候家母一句，一時辭不達意，讀成操你老母。咁就死得人多。不過習主席大慈大悲，唔會誅連九族；但係記者仔一定係第五肢少兩吋。

國旗

香江特膠土共多年希望所有政府部門掛個一支神憎鬼厭五星旗，去宣示香江巳係共國一部分，間接强姦香港人視覺；依家俾土共成功爭取掛支膠旗，真係將來放大假去香江，行幾步就見到膠旗，番到屋企真係要搵椂柚葉洗眼，唔係發惡夢都似。

正苦咁多年係唔掛星星膠旗，我估係有苦衷。因為香江要依賴旅遊業做經濟支柱，又要做亞洲國際小城，自然有唔少東南亞遊客係香江。但係中共以前係東南亞唔少國家搞風搞雨，唔少東南亞人對中共有抗拒感，你土共要個一支星星膠旗，係咪想趕客先？再加上香江都係半個國際小城，無理由掛一支第三世界國旗（係老毛自己話要永遠做第三世界國家），依家周圍都係第三世界國旗，簡直係形象上大災難。

如果要香江人增加國民認同感，我認為要係香江搞一次小文革：叫正苦中有外國國籍高官同埋家屬，一齊係金紫荊廣場將本外國passport “dump”係地下，叫無外籍土共前推後撞走去堆passport一人吐一啖口水，最近一把火燒晒佢。不過咁多高官同埋家屬有外國籍，一次燒晒所有passport會有火災危險，因為一個唔留意再加維多利亞港大風，火舌向上飄，火燒連環船，燒埋支膠旗就死，到時一定有問責官員被責令辭職。

膠國家文化遺產

香江特膠正苦學埋中共國個一套，成日將巳被香港新一代視為老土嘅風俗，節日去申請國家文化遺產。我認為係中共國同香港呢兩個唔重視同成日歪曲歷史嘅地方去申請國家文化遺產根本係笑大人個口，過左三，四十年後，香港有無人會舞火龍都成問題。既然文化巳死，申請國家文化遺產都係得“申請”兩個字，過左幾十年，大家只可以去博物館睇閃光燈火龍模型。

不過大家唔洗灰心，中共國有一樣係獨家擁有──文化大革命。係中共國中，乜野孔子有教無類，以“仁”為本，同屈原報國熱情，係幾十年文革洗禮之後巳經無晒；不過遺毒係中共國則隨處可見：由信仰真空，唔怕鬼神報應去造假蛋，到貪官偷偷摸摸將十億八億運去外國都係中共國特有文化活動。不單止唔死，而且係中共國統治下只會“深化”。

既然文化大革命係文化活動，表演俾人睇就可以吸引遊客，賺外匯將GDP翻一翻，唔好話保八，我話十八都保到。遊客去到中共國，中共當然要好似人地民族文化村咁有d文化活動。文學有文革大字報同寫個一人自己都唔信嘅報紙，當然仲有毛語錄；美術有個一d睇完以為太陽西邊升嘅海報“工農群眾知識化，知識分子勞動化“再加埋油係牆上紅字graffiti；雜技有紅衞兵抄家，反動派被批鬥跪玻璃同淋糞表演；音樂舞蹈有樣板戲。真係當年文革有幾瘋狂，依家表演就有幾瘋狂。

紅衞兵抄家同淋糞重演係重頭戲，選角當然唔唔可以是旦，一定要左毒上腦多年（咁先做得入型入格），又根正苗紅，同有大把時間係無乜野做先有資格，係香江，duck成局長係演紅衞兵首選。剝削階級人物當然唔可搵面無三兩肉嘅人扮資本家，所以肥肥地嘅吊頸繩大王曾廁紙去跪玻璃就最好。佢成日話要報國，依家係時候。

盂蘭勝會有神功戲表演，以娛鬼神。但新中共國係無神論，所以申請盂蘭勝會列入國家文化遺產係唔附合中共國情。既然無神功戲，就搵紅衞兵抄家此一台戲代替。最好係天安門上演，等係大門油畫上位巳仙遊嘅主席都有中共版神功戲睇，等老人家知道中共國公民係完全走資，忘記老人家當年教訓。此為考也。

依家通識科咪有一單元叫“現代膠國”，之前又有愛國人士話香江人唔識膠國國情。我建議嘅神功戲就最合適學生補下“現代膠國”呢一課。叫香江中學生係十月一日上天安門睇下功戲睇，學下乜野係國情。咁洗腦法，唔好話全港市民支持廿三條立法，民X聯唔洗出動鐵票都掃走垃圾會八成議席。

===================================================

四活動申列國家文化遺產
(星島)2010年9月20日 星期一 05:30
(綜合報道)

(星島日報報道)中秋節將至，港島大坑又將舉行一年一度的舞火龍活動。這維持了一百三十年的風俗，更有可能成為國家級非物質遺產。民政事務局長曾德成昨日撰文指，政府已申報把舞火龍和另外三項香港傳統的活動，列入國家級非物質遺產名錄，結果快將公布。他亦指，希望這一經驗，有助本港建立一套全面的申報及評選機制。

相傳於一八八○年，仍是客家村落的大坑發生瘟疫，村民為了消災滅瘟，便用乾草紮成龍，在龍身插滿香枝，在中秋前後的三個晚上，舞動火龍繞村遊行和燃燒爆竹，結果瘟疫得以驅除。自此，大坑村民每年均舉行舞火龍活動。今年舞火龍的主辦單位更獲馬會贊助，成功跳出大坑、進軍維園，按傳統於中秋前後，即二十一至二十三日，連續三晚舉行盛事，讓更多市民參與。

舞火龍值得保留

曾德成在網上撰文表示，舞火龍這原始居民的文化，得以在現代化的香港成功保存，可聯繫古今情感，值得珍重保留。他表示，本港於去年九月，已選出大坑舞火龍、長洲太平清醮、大澳端午遊涌和香港潮州人盂蘭勝會四項傳統地區節慶文化活動，向國家文化部申報列入第三批國家級非物質文化遺產，結果快將公布。

曾德成又指，四項申報項目由五位政府委任的非物質文化遺產專家小組研究選出，小組認為這四個項目都在本地社區世代傳承，有突出的歷史和文化價值、鮮明特色，而且凸顯中華民族文化創造力，完全符合申報國家級非物質文化遺產的標準。

國家級非物質文化遺產名錄每兩年公布一次，現時名錄內有一千○二十八個項目，共分為十類，包括民間文學、音樂、舞蹈、美術、傳統戲劇、手工技藝、醫藥、曲藝、雜技與競技，以及民俗。

記者 梁詠斯