==============================================
法國政商勾結 - 左丁山
去年有3491萬內地人次訪港，今年預料有3801萬人次，平均每日超過十萬人，唔怪得環頭環尾都聽見普通話，有十萬個唔駛返工，終日遊覽使錢，飲飲食食之人，市面點都會興旺啲嘅，何況佢地最重要嘅任務就係買貨，買貨，香港就係內地客最鍾意買貨嘅天堂。
問過公子L：「大陸客周圍去，點解最鍾意在香港掃貨？」公子L話：「一字咁淺，我地冇銷售稅吖嘛，日本新加坡時常增加銷售稅率，泰國稅率亦高，雖然話遊客 可以申請銷售稅退稅啫，但要有手續，如在機場退稅，更要排隊，香港冇稅，買嘢輕鬆好多嘅。」原來如此，唔怪得唐英年做財政司時，諮詢大眾有關GST問題， 商界及民間大力反對，令政府不敢推行。
正因為強國人買貨熱情不止，外國政府先至猛咁向中國獻媚，法國號稱文化大國，睇唔起無文化之人，但一講到錢，法國又點會清高吖，咪同普通商人一樣，向錢看 個飽，話法國人高尚喎，千祈唔好信。嗱，法國總統薩爾科齊早有前科，曾經為咗達賴喇嘛，與中國鬧交，但後來為咗賣空中巴士，又乖乖地聽從法國商界勸告，向 中國低聲下氣。現在嘅總統奧朗德係社會黨，競選時話明向商界開刀，徵收富人稅75%，打擊大企業等等，上星期訪問中國噃，帶埋所有財政工貿部長之外，仲有 二百幾位商界高層，習近平即刻落訂單買60架空中巴士，俾足晒面，於是奧朗德開開心心咁講：「來到中國，我不怕吃雞肉，大家對法國的豬肉也不要怕，我倒希 望去買一些火腿、臘腸之類的食品給中國！」
法國商人亦識做，PPR集團（旗下有GUCCI、YSL）總裁向國家文物局副局長承諾，無償歸還圓明園嘅鼠首與虎首銅像。呢兩件古董，在2009年拍賣 時，值1400萬歐元，依家法國人諗清楚，只要打開中國市場，多賣Gucci、YSL，好快就會賺翻㗎啦。法國總統外訪，大搞官商勾結，政治與商業合為一 體，此乃政治現實，非一般香港人諗得咁清高，成日以為政治歸政治，商業歸商業，勿搞政商勾結！
問過公子L：「大陸客周圍去，點解最鍾意在香港掃貨？」公子L話：「一字咁淺，我地冇銷售稅吖嘛，日本新加坡時常增加銷售稅率，泰國稅率亦高，雖然話遊客 可以申請銷售稅退稅啫，但要有手續，如在機場退稅，更要排隊，香港冇稅，買嘢輕鬆好多嘅。」原來如此，唔怪得唐英年做財政司時，諮詢大眾有關GST問題， 商界及民間大力反對，令政府不敢推行。
正因為強國人買貨熱情不止，外國政府先至猛咁向中國獻媚，法國號稱文化大國，睇唔起無文化之人，但一講到錢，法國又點會清高吖，咪同普通商人一樣，向錢看 個飽，話法國人高尚喎，千祈唔好信。嗱，法國總統薩爾科齊早有前科，曾經為咗達賴喇嘛，與中國鬧交，但後來為咗賣空中巴士，又乖乖地聽從法國商界勸告，向 中國低聲下氣。現在嘅總統奧朗德係社會黨，競選時話明向商界開刀，徵收富人稅75%，打擊大企業等等，上星期訪問中國噃，帶埋所有財政工貿部長之外，仲有 二百幾位商界高層，習近平即刻落訂單買60架空中巴士，俾足晒面，於是奧朗德開開心心咁講：「來到中國，我不怕吃雞肉，大家對法國的豬肉也不要怕，我倒希 望去買一些火腿、臘腸之類的食品給中國！」
法國商人亦識做，PPR集團（旗下有GUCCI、YSL）總裁向國家文物局副局長承諾，無償歸還圓明園嘅鼠首與虎首銅像。呢兩件古董，在2009年拍賣 時，值1400萬歐元，依家法國人諗清楚，只要打開中國市場，多賣Gucci、YSL，好快就會賺翻㗎啦。法國總統外訪，大搞官商勾結，政治與商業合為一 體，此乃政治現實，非一般香港人諗得咁清高，成日以為政治歸政治，商業歸商業，勿搞政商勾結！
沒有留言:
張貼留言