自卑男

對於中國大陸網民不滿有香港人點解唔自稱中國香港, 而只叫香港, 同之前所謂中港矛盾,其中一個原因係中國人自卑. 個比喻就好似一個得小學程度男人, 英文字母26個都背唔齊, 只係靠跟大老闆出出入入時聽到貼士去炒下股票或者樓發達.

不過呢個男人倒有一本事: 就係呃人同口甜舌滑, 發達後衣著好左, 出左地方高級左, 有幾會結識另一階層嘅人. 係天時地利下, 結識一個大學畢業生少女. 雖然少女讀書時參加過exchange program, 結識過洋男友, 之不過華人文化情意結下, 仍然心向大中華男. 自卑男為求得到少女上檔, 作左一份假到無乜人信嘅愛的宣言, 去呃個少女, 無知少女以為婚後會好似單身時咁自由.

婚後愛的宣言同承諾當然無兌現, 反而因教養同學歷唔高, 自卑心慢慢發酵, 每一件小事係自卑男眼中都覺得個女人睇唔起自己, 對自己有異心: 男人自己最多只係睇太陽報嘅太上皇, 個女人只睇TIME同FT. 對於個女人係同鄰居自我介紹時只係報上英文名, 無用中文夫姓叫自己係做"中"太, 絛氣當然唔爽.

呢類婚姻, 個男人仲有錢時仲可以勉強維持, 不過男人經濟出問題, 由自我膨脹出(o黎)嘅自信心好似黑洞將一個大恆星收縮到見唔到, 呢個時候問題就出現: 少則離婚收場, 大則出見倫常慘案. 但係自卑男唔可以俾離婚出現, 因為面子問題, 所以結果一定係以流血埋尾.


========================================

【費Sir主場告別】港迷現場舉牌 內地網民炮轟 2013-05-14 00:25:00

 費格遜周日最後一次領曼聯在奧脫福主場擊敗史雲斯，兼捧走球會史上第13次英超獎盃；當中有香港球迷高舉「感激不盡、THANK YOU FERGIE！！FROM HONG KONG香港」的紙牌，向費Sir作最後致敬。豈料有疑似內地網民，不滿該球迷為何不以「中國香港」自稱，在網上討論區及facebook，引起一番中、港矛盾的激烈討論。