教育樞紐

琴日睇左明報話英國《獨立報》(o岩) (o岩)搞左個世界之都 (world capital) ge 評選，結果係北京排名15，香港排名18。雖然呢一類乜Q評選我就唔係好信，不過都有少少可觀性。
一睇呢個結果，我就諗起香港特衰政府一句假大空ge口號：打造香港成為邊度邊度教育樞紐。今次北京竟然超過香港，真係向特衰政府潑冷水。
雖然我自問唔係讀書人，但都係香港一間大學hea過。歐美大部分學生當然唔會去香港讀書：講科技，香港點同歐美大學比；講文史，d鬼佬只會想到中國（因為佢地好多唔知，文化大革命之後，中國係係無文化。）。所意想去香港讀書只有東南亞華人，所以要國際化，真係得個講字。

另一個問題係香港人ge語文水平。香港人英文有幾好，真係大家心照。香港人巳經無乜機會練英文，依家仲搞乜野母語教學。而且近十年內地學生去香港讀post-graduate courses同係香港教書ge有內地背景professors又一年比一年多。係校園聽人講國語仲多過英文。再過十年，係香港ge大學都唔知會變成點。

而係生活方面，有好多東南亞華人ge後代係唔講廣東話。我係英國識一個泰國華人，佢只會講泰文，同英文。加上香港人對東南亞人帶有歧視眼光，我係佢父母會唔會送個仔去香港咁蠢呀！不如近近去星加坡好過。